தமிழ்ஸ்கிரீன்.காம் உங்களை வரவேற்கிறது

விழியில் விழுந்தவள் எல்லோருக்கும் பிடிக்கிற கதை
ஜீ-அன்ட்ஸ் நிறுவனம் தயாரிப்பில் விரைவில் வெளிவர உள்ள படம், ''விழியில் விழுந்தவள்''. அடிப்படையில் சாஃப்ட்வேட் நிறுவனம் நடத்திக் கொண்டிருக்கும் இளைஞரான அஜாஸ் திரைக்கதை, வசனம் எழுதி படத்தை இயக்குவதோடு தானே தனது கம்யூட்டர் நிறுவனம் மூலமாக இப்படத்தை தயாரிக்கவும் செய்கிறார். இயக்கம், தயாரிப்போடு கதாநாயகனாகவும் அவர், அறிமுகம் ஆகிறார். இது என்ன மாதிரி படம் என்று அவரிடம் கேட்டால், ''இது காதல், காமெடி, சென்டிமென்ட் கலந்த கதை, பார்க்கிற எல்லோருக்கும் பிடிக்கிற கதை. ஒரு இளைஞன் தன்னோட காதலுக்காக, காதலிக்காக தனது நிலைகளை பலவாறு மாற்றிக் கொண்டு பல கெட்டப் மாற்றுவதுதான் கதை. இடைவேளை வரை யதார்த்தமான காமெடிப் படமாக இருக்கும். இடைவேளைக்குப் பின் சீரியசான சென்டிமென்ட் காமெடியாக இருக்கும். நாங்களே கம்யூட்டர் கம்பெனி வைத்திருப்பதால், எங்க படத்தில் சி.ஜி.க்காக நெறைய ஒர்க் பண்றோம் என உற்சாகமாக பதிலளிக்கிறார். ஷில்பா, அனாகா என்று இரண்டு நாயகிகள் அறிமுகம் ஆகின்றனர். பிஜீ ஒளிப்பதிவு அறிமுகம். பொல்லாக் இசை அமைப்பாளராக அறிமுகம் ஆகும் இப்படம் விரைவில் திரைக்கு வர உள்ளது.