தமிழ்ஸ்கிரீன்.காம் உங்களை வரவேற்கிறது

நமீதாவுக்கு நாக் அவுட்!

தமிழ்த்திரைப்பட ரசிகர்களுக்கு குண்டாக இருக்கும் நடிகைகளை ரொம்பப்பிடிக்கும். குஷ்பூ, ஜோதிகா என கடந்த ஆண்டுகளில் இதற்கு எத்தனையோ உதாரணங்கள் உண்டு. நமீதாவை தலையில் வைத்துக் கொண்டாடியதற்கும் இதுதான் காரணம். கடந்த சில ஆண்டுகளாக கவர்ச்சியில் கலக்கிக் கொண்டிருக்கும் நமீதாவுக்கு நாக் அவுட் கொடுக்க வந்துவிட்டார் இன்னொரு குண்டு நடிகை. அவர் ஹேமமாலினி. இந்திரவிழா படத்தில் ஸ்ரீகாந்துக்கு ஜோடியாக அறிமுகமான இந்த மும்பை வரவுக்கு இப்போது கோடம்பாக்கத்தில் செமத்தியான வரவேற்பு. நமீதாவின் ரசிகர்களைப்போல் அவருக்கு தொடர்ந்து பட வாய்ப்பு வழங்கி வந்த இயக்குநர் ஷக்திசிதம்பரம், சுந்தர்.சி. போன்றவர்களே இப்போது ஹேமமாலினி பக்கம் சாய்ந்துவிட்டனர். குருசிஷய்ன் படத்தின் கதாநாயகி வாய்ப்பை இவருக்கு வழங்கியிருக்கிறார் இயக்குநர் ஷக்திசிதம்பரம். சுந்தர்.சியும் தனக்கு ஜோடியாக நடிக்க சில படங்களில் சிபாரிசு செய்திருக்கிறார். இவை தவிர மேலும் அரைடஜன் படங்களிலும் ஒப்பந்தமாகி இருக்கிறார் ஹேமமாலினி. அவற்றில் நான் அவன் இல்லை - 2 படமும் அடக்கம். தெற்கிலிருந்து வடக்குக்குப்போய் கலக்கினார் ஒரு ஹேமமாலினி. இதோ இப்போது வடக்கிலிருந்து தெற்குக்கு வந்திருக்கிறார் இன்னொரு ஹேமமாலினி.